رواية حياتي ابتدت بيك (كاملة جميع الفصول) بقلم جاسمين محمد
يانسه يانسه ياحجه انتي متردي
_انت بتكلمني انا في اي
اه امال الجيران المهم انا اسمي مازن المصري
رهف.... عايز اي
مازن... عايز رقم والدك
رهف بتوتر.... ليه في حاجه وانت تعرف والدي منين
مازن.... متخافيش انا عايزه في موضوع مهم ياريت لو تسمحي تدهولي
سهيله... في اي ادهوله انتي مبحلقه ليه كدا وخايفه من اي يلا عشان نطلع المحاضره
رهف... طيب اهدي اتفضل اكتب 012.......
مازن... تمام شكرا يانسه رهف
رهف... العفو
مازن سابها ومشي خطوتين ورجع تاني
مازن.... خلي بالك من نفسك
رهف بستغراب... حاضر
سهيله... ماشي سلام سلام وشدت رهف وطلعت تجري علي المحاضره
رهف قعده في المحاضره وعماله تفكر هو خد الرقم ليه وعايز منه اي
سهيله... بطلي تفكير بقا وركزي
رهف... مهو حاجه غريبه حد يطلب مني رقم بابا
سهيله.... ماغريب الا الشيطان ياحبيبتي وفيها اي
رهف... فيها ان شاب يطلب رقم بابا مني وكمان هنا في الجامعه وانا محدش يعرفني ده حتي دفعتي متعرفنيش كلها يبقا غريبه
الدكتور... رهف واللي جمبها
سهيله... هنطرد عشان تفكري براحتك
رهف... نعم يادكتور
الدكتور... ممكن اعرف بتتكلمو ليه
رهف... اسفه يادكتور
الدكتور... رهف انا عارف انك شاطره ومجتهده وهعديها المره دي بس اياك تتكرر تاني
رهف... ان شاء الله مش هتكررر يادكتور اسفين
الدكتور... تمام اقعدو
سهيله... اتلمي بقا وركزي وبطلي تفكير
رهف... حاضر
رهف حضرت كل محاضراتها وبرضو مبطلتش تفكير في اللي اخد الرقم اخدو ليه لحد موصلت البيت واول مدخلت
رهف.... ياماما ياماما
حنان والدتها... عارفه انك عايزه اكل استني بعمل اهو
رهف... ماشي ياست الكل هدخل اغير عقبال متخلصي
حنان... ماشي
رهف دخلت غيرت وطلعت ساعدت مامتها وجهزو العشاء واتعشت وعملت شاي وقعدو شربه وهزرت شوي مع اهلها وزي العاده بتاعت كل يوم دخلت اوضتها عشان تذاكر وتكلم اصحابها
سهيله... بت بطلتي تفكير
رهف... بتفكريني ليه كنت حاولت ابطل يانيله
سهيله.... ههههههه والنبي مهما تعملي اي مش هتبطلي دانتي مجنونه
رهف... اتلمي طيب وبتبص لقت باباها بيخبط علي الباب
رهف... ايو مين
مصطفي باباها... انا ياحبيبتي
رهف... اتفضل يابابا
مصطفي... بتذاكري
رهف... اه
مصطفي... طيب عايز اتكلم معاكي شوي
رهف بستغراب لان باباها عمرو مطلب منها كدا... اتفضل يابابا
مصطفي... في عريس متقدملك
رهف...تاني بس انت عارف اني مش عايزه اتجوز دلوقتي صح
مصطفي...صح و قولتلو وهو قالي انه عندو استعداد توافقي بس ويقعد العمر كله عادي
رهف... ومين ده اللي واقع بـ شوشته زي ما بيقوله في بنتك المصيبه
مصطفي... معرفش والنبي ده شكله اعمي يابت
رهف.... يالهوووي كمان 😂😂😂
مصطفي... اه المهم انا قولتلو يجي بكرا وتقعدو مع بعض وتتكلمو حصل نصيب خير وبركه محصلش خلاص كل واحد من طريقه ونصيبه مستنيه
رهف... ماشي يابابا اقعد بس لو معجبنيش مش هوافق ومتغصبش عليا عشان باين من عينك انه عاجبك
مصطفي... الحاجه الوحيده الجواز اللي مستحيل اغصب عليكي فيها يابنتي
رهف.. ماشي
مصطفي... يلا اسيبك تذاكري
رهف... ماشي
مصطفي طلع ورهف مسكت التلفون لاقي من سهيله خمستاشر رساله
رهف... في اي يابت
سهيله.... بتحونيني مع مين يابت انتي ياخاينه
رهف... اتنيلي كنت بكلم بابا
سهيله... في اي
رهف... جيلي عريس قال وعايزني اقعد معا
سهيله...... لولولولولوي اخير هيتفق نحسك
رهف... متتلمي يابت انتي ويلا غوري عشان اذاكر شوي وانام عشان تعبانه
سهيله... ماشي ياختي اروح اكلم قره عيني
رهف... غوري
رهف قفلت مع سهيله وجت تذاكر مش عارفه عماله تفكر في اللي اخد الرقم وفي مين العريس المصمم ده عليها وراحت شالت الكتب
رهف... شكله النهارده ولا نوم ولا مذاكره استغفر الله العظيم وراحت رقدت وحطت المخده علي راسها ونامت
تعريف الابطــــــــال
رهـــف «"عندها 21سنه في سنه رابعه كليه اداب فتاه جميله جسمها متناسق وطولها 165وعيونها سوده وبتلبس خمار وبشرتها بيضه "»
مـــازن «" عندو 23سنه دكتور في كليه حقوق وشغال محامي مع والده وجسمه رياضي وطوله 180وعيونه رصاصي وبشرته قمحويه "»
#االبارت_الاول
#حياتي_ابتدت_بيك
#جاسمين_محمد
